Superkubok da “Barselona”nın oldu

UEFA Superkubokunu növbəti dəfə “Barselona” qazandı. Lent.az-ın mməlumatına görə, UEFA Çempionlar Liqasının son qalibi “Barselona” (İspaniya) ilə “Şaxtyor” (Ukrayna) klublarının görüşündə birincilər sevinib. Baxmayaraq ki, görüşün əsas vaxtı ərzində qapılara qol vurulmayıb. Mirça Luçeskunun qurduğu taktika özünü doğruldub və bu səbəbdən də Qvardiolanın “Barselona”sı ulduz oyunçularına və bütün cəhdlərinə rəğmən qol vura bilməyib.
90 dəqiqə qolsuz tamamlanınca hakim əlavə vaxt təyin edib. Hesab da elə əlavə edilmiş vaxtın 25-ci (oyunun 115-ci) dəqiqəsində açılıb. Messidən ideal ötürmə alan Pedro Roriges Ledesma oyunda yeganə qolun müəllifi olub.

Beləliklə, “Barselona” UEFA Superkuboku bu dəfə “Barselona”ya çatdı. Bununla da bu klub sonuncu mövsüm üçün demək olar ki, bütün mümkün kubokların hamısını qazanmış oldu.