“Bakı”nı üstələyən “Levski” öz meydançasında “Debretsen”ə uduzdu

Futbol üzrə Çempionlar Liqasının (ÇL) “pley-off” mərhələsinin ilk oyunları keçirilib. Lent.az-ın məlumatına görə, ikiqat Azərbaycan çempionu “Bakı”nı ÇL-in III təsnifat mərhələsində üstələyən “Levski” (Bolqarıstan) komandası bu dəfə öz meydançasında “Debretsen” (Macarıstan) klubuna uduzub.

Türkiyə vitse-çempionu “Sivasspor”u qitənin ən nüfuzlu klub turnirindən kənarda qoyan Anderlext” (Belçika) isə Fransada “Lion”a boyun əyib – 1:5. Digər matçlarda da gözlənilməz nəticə qeydə alınmayıb:
“Seltik” (Şotlandiya) – “Arsenal” (İngiltərə) – 0:2
“Sportinq” (Portuqaliya) – “Fiorentina” (İtaliya) – 2:2
“Panatinaikos” (Yunanıstan) – “Atletiko” (İspaniya) – 2:3
“Politexnika” (Timişoara, Rumıniya) – “Ştutqart” (Almaniya) – 0:2
“Şerif” (Moldova) – “Olimpiakos” (Yunanıstan) – 0:2
“Kopenhagen” (Danimarka) – “Apoel” (Kipr) – 1:0
“Zalsburq” (Avstriya) – “Makkabi” (Hayfa, İsrail) – 1:2
“Venstpils” (Latviya) – “Sürix” (İsveçrə) – 0:3
Cavab görüşləri 25-26 avqustda keçiriləcək.