Maradona Portuqaliya yığmasının baş məşqçi postuna namizəd oldu
15 sentyabr 2010 19:01 (UTC +04:00)

Maradona Portuqaliya yığmasının baş məşqçi postuna namizəd oldu

Lent.az-ın “Inside Futbol” nəşrinə istinadən verdiyi məlumata görə, FPF köməkçisi Alexandro Mankusonun Maradonanın Portuqaliya yığmasına rəhbərlik etmək istədiyi barədə açıqlamasından sonra onunla maraqlanmağa başlayıb.

Mankuso bu məsələni Maradona ilə öz aralarında müzakirə etdiklərini, lakin federasiyadan heç kiminlə danışıq aparmadıqlarını bildirib. Portuqaliya millisində baş məşqçi postu Karluş Keyruşun qovulmasından sonra boşalıb. Keyruş dünya çempionatı öncəsi Antidopinq Komitəsi əməkdaşlarını təhqir etdiyi üçün vəzifəsindən kənarlaşdırılıb. Bu posta namizədlər sırasında Portuqaliya “Sportinq”inin, Argentina millisinin və Meksika yığmasının sabiq baş məşqçiləri Paulu Bentu, Xose Pokerman və Xavyer Agirrenin də adı çəkilir.

Qeyd edək ki, Dieqo Maradona Argentina yığmasının baş məşqçi vəzifəsindən iyulda kənarlaşdırılıb.
# 465

Oxşar yazılar