Zaqatalada ər-arvad qəzada yaralandı

Zaqatalada motosikletlə avtomobil toqquşub.

Lent.az APA-ya istinadla bildirir ki, hadisə günorta saatlarında Zaqatala-Qax avtomobil yolunda, rayonun Muxax kəndi ərazisində baş verib.

Qəza zamanı Muxax kənd sakinləri - 64 yaşlı Aydın Həmzəyev və həyat yoldaşı 64 yaşlı Nigar Həmzəyevə müxtəlif dərəcəli bədən xəsarətləri alıblar.

Onlar Zaqatala Rayon Mərkəzi Xəstəxanasının (RMX) Cərrahiyyə korpusuna yerləşdiriliblər.

Faktla bağlı Zaqatala rayon Polis Şöbəsində araşdırma aparılır.

Hadisələr

3924