Yarım milyonluq dələduzluq edən universitet müəllimindən YENİ XƏBƏR

Gəncədə 500 min manatlıq dələduzluq etməkdə təqsirləndirilən Aqrar Universitetinin müəllimi Əli İbrahimov və Rübail Hüseynovun cinayət işi üzrə ibtidai istintaq başa çatıb.

Lent.az-ın məlumatına görə, cinayət işi baxılması üçün Gəncə Ağır Cinayətlər Məhkəməsinə göndərilib. İş hakim Xaqani Səmədovun icraatına verilib.

Onların barəsində Cinayət Məcəlləsinin 178.4 (dələduzluq, yəni etibardan sui-istifadə etmə və ya aldatma yolu ilə özgənin əmlakını ələ keçirmə və ya əmlak hüquqlarını əldə etmə, xüsusilə mütəşəkkil dəstə tərəfindən törədildikdə, külli miqdarda ziyan vurmaqla törədildikdə, əvvəllər talama və ya hədə-qorxu ilə tələb etməyə görə iki dəfə və ya daha çox məhkum edilmiş şəxs tərəfindən törədildikdə) maddəsilə ittiham elan olunub.

Qeyd edək ki, müəllim işləyən İbrahimov Əli Ziyatay oğlu və Hüseynov Rübail Arif oğlu 7 nəfərin etibarından sui-istifadə edərək onların 500 min manata kimi pullarını dələduzluq yolu ilə ələ keçiriblər. Belə ki, toxumçuluq işi ilə məşğul olan uşaqlıq dostlarına Gəncə Şəhər Baş Polis İdarəsində cinayət işi başlanıb və hər ikisi təqsirləndirilən şəxs qismində həbs olunublar.