İki maşın toqquşdu, bir nəfər öldü

Şəkidə iki avtomobilin toqquşması nəticəsində bir nəfər ölüb.

APA-nın Fövqəladə Hallar Nazirliyinin (FHN) saytına istinadən verdiyi məlumata görə, Şəkidə “VAZ” markalı iki minik avtomobili toqquşub. Nəticədə avtomobillərdən birində yanğın baş verib.

Maşınlardan birinin sürücüsü 1955-ci il təvəllüdlü Mustafayev Bəşarət Mustafa oğlu isə aldığı xəsarətlərdən hadisə yerində vəfat edib, digər sürücü isə müxtəlif dərəcəli xəsarətlər alıb.

Hadisə yerinə cəlb olunmuş yanğınsöndürənlər digər avtomobili yanğından mühafizə ediblər.