Ceyrançöldə güclü yanğın

Bu gün Tovuz rayonu ərazisində yanğın hadisəsi olub. Lent.az-ın Fövqəladə Hallar Nazirliyinin saytına istinadən verdiyi məlumata görə, Çeyrançöl ərazisində (rayon mərkəzindən 35 km aralı dağlıq ərazi) 5 ha sahədə kol-kos yanıb. Yaxınlıqdakı fermalar yanğından mühafizə olunub. Yanğın saat 16:15-də yanğınsöndürənlər tərəfindən söndürülüb.

Yanğının səbəbləri araşdırılır.