Bakıda ər-arvadlar bir-birlərindən şikayət elədilər

Bakıda ər keçmiş həyat yoldaşına hücum edib. Vesti.az-ın xəbərinə görə, dünən Qaradağ rayon sakini, 54 yaşlı Bəybala Namazov keçmiş həyat yoldaşı Güləbətin Məmmədovaya hücum edib.

Qaradağ rayon Polis İdarəsindən verilən məlumatda B.Namazovun “Pakan LTD”də mühasiz işləyən G. Məmmədovanın çantasını əlindən alaraq qaçdığı bildirilib. Çantada şirkətə məxsus 5 min manat pul və qadının qızıl sırğaları olub.

Fakt bağlı araşdırma aparılır.

Yasamal rayonunda da 42 yaşlı qadın keçmiş həyat yoldaşından polisə şikayət edib. 28-ci polis bölməsinə müraciət edən qadın evdə olmadığı zaman keçmiş ərinin evə girərək oğurluq etdiyini deyib. Qadın mənzilin açarının ərində olduğunu da qeyd edib. Keçmiş ər toy vaxtı həyat yoldaşına aldığı qızıl üzüyü oğurlamaqda ittiham olunur.

Nizami rayonunda isə ər həyat yoldaşından polisə şikayət edib. Ərin iddiasına görə, o, gecə yatan zaman arvadının ona məxsus 130 manat pulu və mobil telefonunu oğurladığını bildirib.