Sərxoş pensiyaçı üç yaşlı nəvəsini eyvandan atdı

Sverdlovsk vilayətinin Kuşva şəhərində sərxoş vəziyyətdə 70 yaşlı təqaüdçü üç yaşlı nəvəsini ikinci mərtəbədən yerə atıb.

Lent.az-ın xarici mediaya istinadən məlumatına görə, axşam saatlarında qadın sərxoş vəziyyətdə uşağı ikinci mərtəbədəki eyvanın pəncərəsinin altlığına qoyub və körpəni zorla çölə itələyib. Nəticədə uşaq 4,9 metr hündürlükdən yıxılaraq başından zərbə alıb.

Hadisə yerinə gələn həkimlər uşağı Kuvşa mərkəzi xəstəxanasına çatdırıblar. Ona qapalı kəllə-beyin travması, həmçinin üz, burun və döş qəfəsinin yumşaq toxumalarının aşınması diaqnozu qoyulub. Zərərçəkmiş artıq xəstəxanadan buraxılıb.

Prokurorluq təqaüdçünün əməlinin yetkinlik yaşına çatmayan uşağı öldürməyə cəhd maddəsinə aid etdiyini bildirib. Qadının nəvəsini qəsdən hündürlükdən atdığı vurğulanıb. Lakin ekspertin rəyinə əsasən, qadın dəli elan edilib. İndi məhkəmə onun barəsində məcburi müalicənin tətbiq edilib-edilməməsinə qərar verməlidir.