Polis yoxa çıxan ana və iki uşağın AXTARIŞLARINA BAŞLADI

Daxili İşlər Nazirliyi Gəncə yoxa çıxan ana və övladları ilə bağlı yayılan xəbərə münasibət bildirib.

Nazirliyin Mətbuat Xidmətinin Gəncə regional qrupunun baş inspektoru Eşqin Qasımov Lent.az-a açıqlamasında bildirib ki, həmin şəxslərin yaşadıqları evdən çıxaraq bir daha geri dönməmələri barədə Gəncə şəhər Baş Polis İdarəsinə məlumat daxil olub. Hazırda həmin şəxslərin tapılması istiqamətində zəruri əməliyyat-axtarış tədbirləri davam etdirilir.

Axtarışın nəticəsi barədə ictimaiyyətə əlavə məlumat veriləcək

***

saat 11:51

Azərbaycanda ana və iki övladı itkin düşüb.

Lent.az-ın məlumatına görə, hadisə Gəncə şəhərində qeydə alınıb. Şəhər sakini Jalə Qasımova, onun qızı 10 yaşlı Nigar və oğlu 6 yaşlı Eşqin aprelin 9-da naməlum şəraitdə yoxa çıxıblar.

Onların itkin düşməsi barədə polisə məlumat verilib.

Faktla bağlı araşdırma aparılır.