Şağanda cüdo turnirində öldürülən 16 yaşlı Turan Hüseynovun sevgilisi Lent.az-a danışdı
29 noyabr 2022 15:00 (UTC +04:00)

Şağanda cüdo turnirində öldürülən 16 yaşlı Turan Hüseynovun sevgilisi Lent.az-a danışdı

Öldürülən 16 yaşlı cüdoçunun sevgilisi DANIŞDI: “Hər gün onunla...”

Son zamanlar gənclərin ani ölümü ilə qarşılaşırıq. Kimisi yol qəzasında, kimisi cavanlaşan xəstəliklərdən, kimisi isə gözləmədiyi anda dünyasını dəyişir. O biri dünyaya 16 yaşında köçən Turan Hüseynov da ölümü erkən yaşında görən gənclərdən biridir. 

Xatırladaq ki, məlumatlara əsasən, o, Şağan İdman Olimpiya Kompleksində 19 yaşlı idmançı Ruslan Səfixanov tərəfindən söyüş üstündə öldürülüb. ”Tiktok”da Turana aid videolar trendə düşüb desək, yanılmarıq. Onların içərisində mərhumun sevgilisinin paylaşdığı görüntülərlə də qarşılaşdıq. Adı E.H. olan həmin qızla əlaqə yaratdıq. 

Lent.az xəbər verir ki, E.in sözlərinə görə, o, mərhumun məzarına baş çəkmək üçün hər gün Mingəçevirdən Yevlaxın Salahlı kəndindəki məzarlığa gedir:

“Biz ötən il cüdo klubunda tanış olmuşuq. Sosial şəbəkə hesabımızda bir-birimizi izləyirdik. Bir gün məndən çox xoşlandığını, sevdiyini söylədi. Münasibətimiz çox gözəl irəliləyirdi. İlk sevgi saf olur deyirlər. Elə idi bizdə. Həmişə bir-birimizin yanında idik. Elə sevə-sevə də ayrılmışıq...

Sonuncu dəfə nəyinsə üstündə bərk dalaşıb əlaqəmizi kəsdik. Düzdür, mənimlə yenidən bərabər olmaq üçün cəhdlər edirdi. İstəmirdim, amma indi çox peşmanam. Həmin hadisə olanda dostlarım xəbər verdi mənə. Biləndə ki, Turan bıçaqlananda oradakı müəllimlər, insanlar heç bir şey etməyiblər, dəhşətə gəldim. Necə yəni heç kəs heç nə etmədi? Necə yəni göz görə-görə qarşısını almadılar? Videolara baxa bilmədim, ürəyim gəlmirdi. İndi baxıram və hələ də özümə gələ bilmirəm. 

Hər gün ona baş çəkməyə Mingəçevirdən Yevlaxın Salahlı kəndinə gedirəm. Danışıram onunla, ölümü ilə barışa bilmirəm. Nə mən, nə də ailəsi. Bacısı ilə danışıram. Onların halını təsəvvür edin. Evdən Bakıya uşaq yola salıblar ki, yarışa getsin. Sağ-salamat göndərdikləri uşağın evə cənazəsi gəlir...”

E.-in və mərhumun yaxınlarının indi təsəllisi şəkillər, səs yazıları, xatirələr və qara torpaqdır. “Söyüş üstündə” həyatına son qoyulan Turan Hüseynovun hekayəsi yarıda qırıldı, Allah onun yaxınlarına səbr versin...
 

# 9195
avatar

Nigar Namiq

Oxşar yazılar

Bakıda  polis maşını   qəzaya düşdü,  4 nəfər...   -FOTO  - YENİLƏNİB

Bakıda polis maşını qəzaya düşdü, 4 nəfər... -FOTO - YENİLƏNİB

7 fevral 2023 , 05:32
Azərbaycanda xarici vətəndaşı  maşın vuraraq öldürdü   - FOTO

Azərbaycanda xarici vətəndaşı maşın vuraraq öldürdü - FOTO

7 fevral 2023 , 04:10
Türkiyədə baş verən  ƏN DƏHŞƏTLİ   zəlzələlər

Türkiyədə baş verən ƏN DƏHŞƏTLİ zəlzələlər

7 fevral 2023 , 00:09
Bakıda evdən meyit tapıldı

Bakıda evdən meyit tapıldı

6 fevral 2023 , 22:29
Zaqatalada itən turisti tapana veriləcək mükafatın məbləği  100 min manata   qaldırıldı

Zaqatalada itən turisti tapana veriləcək mükafatın məbləği 100 min manata qaldırıldı

6 fevral 2023 , 20:50
Rusiyadan qaçan  “qanuni oğru”   AZADLIQDA

Rusiyadan qaçan “qanuni oğru” AZADLIQDA

6 fevral 2023 , 19:47
Bakıda kişinin  evdə asılmış meyiti   tapıldı

Bakıda kişinin evdə asılmış meyiti tapıldı

6 fevral 2023 , 19:34
Azərbaycanda daha bir qadın  qazdan boğuldu

Azərbaycanda daha bir qadın qazdan boğuldu

6 fevral 2023 , 18:13