Kamran Əliyevdən YENİ TƏYİNATLAR

Baş Prokurorluqda yeni kadr təyinatları olub.

Lent.az xəbər verir ki, bu barədə Baş prokuror Kamran Əliyev əmr imzalayıb.

Əmrə əsasən Bərdə rayon prokuroru Rəşad İsgəndərov ikinci səlahiyyət müddətinı təyin olunub.

Bundan başqa Şəki rayon prokuroru vəzifəsini icra edən Mehman Xankişiyev Sabirabad rayon prokuroru təyin olunub. Sabirabad rayon prokuroru Fəxrəddin Pənahov isə Baş Prokurorluğun Dövlət ittihamının müdafiəsi idarəsinin Kassasiya instansiyası məhkəməsində dövlət ittihamının müdafiəsi və analitik təhlil şöbəsinin rəisi - idarə rəisinin müavini vəzifəsinə təyinat alıb.

Həmçinin Baş prokurorun digər əmrilə Baş Prokurorluğun Dövlət ittihamının müdafiəsi idarəsinin Kassasiya instansiyası məhkəməsində dövlət ittihamının müdafiəsi və analitik təhlil şöbəsinin rəisi - idarə rəisinin müavini Anar Nəsibov Şəki rayon prokuroru vəzifəsinə təyin olunub.