Bakının Binəqədi rayonunda 4 nəqliyyat vasitəsi qəzaya uğrayıb.
Lent.az APA-ya istinadla xəbər verir ki, yol-nəqliyyatı hadisəsi Ziya Bünyadov prospektində qeydə alınıb.
Metronun "Koroğlu" stansiyası istiqamətində hərəkətdə olan “Howo” markalı yük maşının sürücüsü sükana nəzarəti itirərək eyni istiqamətdə hərəkətdə olan Məzahir Babaşova məxsus “Mercedes” markalı avtomobilə çırpılıb. Ardıcılıqla “Mercedes” də qarşısında olan “Opel” və “Hyundai” markalı maşınlara çırpılıb.
Qəza zamanı daha çox zərərə uğrayan “Mercedes”in sürücüsü bildirib ki, yük maşının yüksək sürətlə hərəkət edib. Qəza nəticəsində prospektin “Koroğlu" istiqamətinə olan hissəsində bir neçə saat sıxlıq yaranıb.