Cavidan Amirov Neft Akademiyasındakı qətliama görə ittiham olunmur

Azərbaycan Neft Akademiyasında baş verən qanlı hadisə ilə əlaqədar saxlanılan şəxslərə verilən ittihamlar müəyyənləşib.

Baş Prokurorluğun mətbuat xidmətinin rəhbəri Eldar Sultanov Lent.az-a açıqlamasında bildirib ki, faktla bağlı həbs edilən Gürcüstanın Marneuli rayonu, Daştəpə kənd sakini Nadir Əliyevə qarşı Azərbaycan Cinayət Məcəlləsinin 32.5, 120.2.2, 120.2.4, 120.2.7-ci (xuliqanlıq niyyəti ilə xüsusi amansızlıqla iki və ya daha çox şəxsi öldürmədə iştirakçılıq), 29, 32.5, 120.2.2, 120.2.4, 120.2.7 (xuliqanlıq niyyəti ilə xüsusi amansızlıqla iki və ya daha çox şəxsi öldürməyə cəhddə iştirakçılıq) və 228.1 (qanunsuz olaraq odlu silah saxlama və gəzdirmə), Marneuli rayonunun Şulaveri qəsəbə sakini Cavidan Amirova qarşı 228.1-ci və 234.1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq əldə etmə və ya saxlama) maddələri ilə ittihamlar irəli sürülüb.

Şəhriyar Əlizadə