33 yaşlı kişi Bakı bulvarını qarışdırdı – TƏFƏRRÜAT
Rayon Polis İdarəsindən Lent.az-a verilən məlumata görə, saat 19 radələrində Neftçala rayon sakini, 1979-cu il təvəllüdlü Əliyev Füzuli Yusif oğlu özünü Dənizkənarı Milli Parkdakı Saat Qülləsindən atmaq istəyib. 33 yaşlı kişi hündürlüyü 30 metrə çatan qülləyə çıxıb və qışqıraraq özünü atacağını deyib. Dərhal parkın mühafizəçiləri və polis əməkdaşları hadisə yerinə gəlib. Aparılmış “danışıqlardan” sonra F.Əliyev fikrindən daşınıb. O, tutularaq polis idarəsinə gətirilib. Polisə ilkin ifadəsində F.Əliyev deyib ki, qalmağa evi yoxdur və maddi sıxıntı çəkir.
Hadisə vaxtı qüllənin ətrafına xeyli insan toplaşıb.
Araşdırmalar davam etdirilir.
Nizam RZA
Hadisə vaxtı qüllənin ətrafına xeyli insan toplaşıb.
Araşdırmalar davam etdirilir.
Nizam RZA
4344