Yaşlı qadın cekpot uddu - Qocalar evində mənzil aldı

Böyük Britaniyanın Kent şəhərinin yaşlı sakini lotereyada cekpot qazanaraq müasir texnologiya ilə təchiz olunmuş və qocalar evində yerləşən bir mənzil alıb.

Lent.az-ın xarici mediaya istinadən məlumatına görə, 83 yaşlı Şeyla Qarret 500 min funt-sterlinq (təxminən 1 milyon manat) mükafat qazanıb. O, qalibiyyətini eşidəndə sevincindən rəqs etdiyini bildirib.

Təqaüdçü qadın “Bungalov” tipli ev almağı planlaşdırırmış. Ancaq sonradan yaşadığı qocalar evi kompleksinin yaşlılar üçün nəzərdə tutulmuş üst mənzilinin satışa çıxarıldığını öyrənib və fikrini dəyişib.

Qadın təmirə 60 min funt-sterlinqdən (təxminən 127 min manat) çox pul xərcləyib. O, mənzili daha da işıqlı edib və genişləndirib. Bununla yanaşı, həm də müasir texnika ilə təchiz edib. Mənzilin bütün detallarını Qarret özü seçib.

Britaniyalı qadın gələcəkdə yenidən lotereyada qalib gələcəyinə əmindir. O, növbəti qələbəsindən sonra Florida ştatının Tampa şəhərindən bir mənsiz almaq və şəxsi təyyarə ilə uçmaq istədiyini bildirib.