Rusiyada heroin satan azərbaycanlı qadın həbs edildi

Rusiyanın İrkutsk vilayətində azərbaycanlı qadın heroin satdığı üçün 5 il müddətinə həbs cəzasına məhkum edilib. Lent.az-ın yerli təhqiqat komitəsinə istinadən verdiyi məlumata görə, narkopolislər adı açıqlanmayan qadını 2012-ci ilin yayında yaxalayıblar. Həmin vaxt həmyerlimizin narkotik maddə satması ilə bağlı 3 epizod sənədləşdirilib. Qadın ifadəsində həmin maddələri küçədən tapdığını və intihar etmək istəyi ilə əlaqədar evində saxladığını söyləyib. O, çoxdandır Priaqarya şəhəri ərazisində yaşasa da, qanuni qeydiyyata və rəsmi işə qəbul oluna bilməyib. Soydaşımız bu illər ərzində narkotik maddə ticarəti ilə məşğul olub. 2009-cu ildə heroin satdığı üçün 5,5 il müddətinə azadlıqdan məhrum edilmiş həmyerlimiz 3 il həbsxanada qaldıqdan sonra şərti azadlığa buraxılıb. Qadın türmədə ikən yeni tanışlar əldə edib və azadlığa çıxdıqdan sonra onları öz müştərisinə çevirib. O, naməlum şəxslərə narkotik maddə satmayıb, telefon danışıqlarında sözlü şifrələrdən yararlanıb.