Peterburqda kütləvi həbs: onların arasında azərbaycanlı da var

Sankt-Peterburq polisi şəhərin mərkəzində Apraksin sarayı arxitektur kompleksinin yaxınlığında irimiqyaslı reyd keçirib, axtarış aparıb.

Lent.az-ın «BBC»-yə istinadən məlumatına görə, keçirilən tədbir nəticəsində 271 nəfər tutulub. Qurumun iddiasına əsasən, onlar Sank-Peterburq ərazisində ya terror fəaliyyəti ilə məşğul olub, ya da bu cinayətdə iştirak etmək istəyib.

«Saxlanılanların çoxundan kimliyinin təsdiqləyən saxta sənəd aşkarlanıb. Onların 20-nin şəxsiyyətini təsdiqləyən sənəd olmayıb. 6-dan isə Rusiyadan deportasiya haqqında uyğun hakimiyyət qurumunun verdiyi sənəd götürülüb»- deyə, Rusiya İstintaq Komitəsi bildirib.

Tutulanlar arasında Azərbaycan, Özbəkistan, Tacikistan, Misir, Əfqanıstan vətəndaşları, eləcə də Şimal Qafqaz bölgələrindən olan rusiyalılar var.