Fransa prezidentinə hücum

Ukraynanın FEMEN qadın təşkilatının növbəti hücum hədəfi Fransa prezidenti olub. ANS PRESS-in Rusiya mətbuatına istinadla verdiyi məlumata görə, onlar Tunisdə həbs edilən həmkarlarına dəstək aksiyası keçiriblər. Məlumata görə, Olland Le Burje aviasiya salonunun 50 illiyi ilə bağlı tədbirdən çıxarkən yarıçılpaq qadınlarla rastlaşıb. Prezident yaxınlaşanda çılpaq və üzərlərində şüarlar yazılan qızlar "Azadlıq" qışqıra-qışqıra onun üstünə gediblər. Amma təhlükəsizlik xidməti əməkdaşları onlara işlərini başlamağa imkan verməyib.

FEMEN yaydığı məlumatda F.Ollandı Tunisə nəzərdə tutulan səfərdən imtina etməyə səsləyib. Qeyd edək ki, Tunisdə hərəkatın 4 üzvi saxlanılıb ki, onlardan da ikisi fransızdır.

Xatırladaq ki, FEMEN-çilər bundan öncə də ABŞ prezidenti Barak Obama, Belarus prezidenti Aleksandr Lukaşenko və Almaniya kansleri Angela Merkel, Rusiya dövlət başçısı Vladimir Putinin qarşısında yarıçılpaq aksiya keçirməyə cəhd ediblər.