Makrondan Avropanın ölmək riski ilə bağlı XƏBƏRDARLIQ

Fransa prezidenti Emmanuel Makron deyib ki, güclü Avropa yaratmaq uğrunda mübarizə qələbədən çox uzaqdır və Avropa növbəti onillikdə qlobal rəqiblərindən geri qalacaq.

O, ölə bilər və bu, yalnız bizim seçimimizdən asılıdır”, - Lent.az-ın xarici mediaya istinadən xəbərinə görə, Makron Parisdəki Sorbonna Universitetində deyib və əlavə edib ki, Avropa dönüş nöqtəsindədir və sürətlə silahlanan qlobal rəqiblərlə rəqabət aparmaq üçün daha çox iş görməlidir.

Makron həmçinin bildirib ki, qlobal azad ticarət qaydaları əsas rəqiblər tərəfindən etiraz edildiyi üçün Avropanın iqtisadi cəhətdən geridə qalmaq riski var və Avropa öz böyümə modelini yenidən nəzərdən keçirməlidir.

Fransa prezidenti həmçinin bildirib ki, Avropa ayılmalı və Rusiyanın Ukraynadakı müharibəsi kimi qlobal təhlükələr qarşısında kifayət qədər silahlanmadığını, müdafiə siyasətinin əhatə dairəsini dəyişməli olduğunu dərk etməlidir.

Makron Avropanın avropalı kadrların hazırlanması, kibertəhlükəsizlik imkanlarının gücləndirilməsi və Avropanın yerli müdafiə sənayesini dəstəkləmək üçün Avropa Hərbi Akademiyasının yaradılmasına ehtiyac olduğunu bildirib. O, həmçinin Britaniya ilə hərbi əlaqələri gücləndirməlidir.