İş adamı dəfn puluna görə atasının meyitini 2 il şkafda gizlətdi

Yaponiyada kişi 2023-cü ilin yanvarında 86 yaşında dünyasını dəyişən atasının ölümünü iki il gizlədib.

Lent.az xarici KİV-ə istinadla bildirir ki, Tokioda Çin restoranının sahibi Nobuhiko Suzuki dəfn mərasimlərinin xərcindən yayınmaq üçün atasının cəsədini şkafda saxlayıb.

O, bir həftəyə yaxın öz müəssisəsinin açmayıb və bu, qonşuların narahatlığına səbəb olub. Bundan narahat olan qonşular onun sağ olub-olmadığını yoxlamaq üçün polisə müraciət ediblər.

Hüquq-mühafizə orqanlarının əməkdaşları iş adamının evinə gəlsələr də, onun əvəzinə şkafda atasının qalıqlarını aşkar ediblər. Həmin şəxs dərhal saxlanılıb və hazırda istintaq aparılır. Suzuki mərhumun pensiya ödənişlərini qeyri-qanuni almaqda günahlandırılır. O, atasının ölümü barədə hakimiyyət orqanlarına xəbər vermədən təqaüdü almağa davam edib.

Dindirilmə zamanı iş adamı maddi sıxıntıya görə dəfn mərasimini təşkil etməkdən imtina etdiyini deyib. Yerli dəfn xidmətlərinə görə, Yaponiyada bir dəfnin orta qiyməti təxminən 15 min 433 manat təşkil edir.