Braziliyada bloqqer və iş adamı nəhəng döymə etdirərkən dünyasını dəyişib.
Lent.az xarici KİV-ə istinadla bildirir ki, yanvarın 20-də Rikardo Qodoy, kürəyinə böyük döymə etdirmək məqsədilə ümumi anesteziya üçün İtapemadakı Dia Revitalite xəstəxanasına gəlib.
Hadisə baş verən gün 46 yaşlı Rikardo izləyicilərinə tibbi prosedurdan keçəcəyini və saat 16:00-a qədər fəaliyyətini bərpa etməyi planlaşdırdığını söyləyib. Lakin ümumi anesteziya ilə bağlı fəsadlar ortaya çıxıb və günorta saatlarında iş adamı ölüb.
Santa-Katarina polisi ifadələri toplayaraq müvafiq sənədləri təhlil etdiklərini bildirib. Müstəntiqlər həmçinin tibbi səhlənkarlığın, anesteziyanın tətbiqində səhvlərin və ya xəstəxana protokollarının pozulmasının olub-olmamasına diqqət yetirirlər.
İş adamının həyat yoldaşı və uşaqları qalıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
