“Əl-Qaidə” Qərbi hədələdi: Qan tökməyə davam edəcəyik...

“Əl-Qaidə” terror təşkilatının rəhbərliyində ikinci şəxs sayılan Eymen əl-Zevahiri müsəlmanları öldürən qərblilərin qanını tökməyə davam edəcəklərini bəyanlayıb.
Lent.az-ın verdiyi məlumata görə, mərkəzi ABŞ-da yerləşən və islamçı saytları araşdıran “IntelCenter” qurumu Eymen əl-Zevahirinin bu sözləri “Əl-Qaidə”nin liderlərindən olmuş, bu ilin əvvəlində Liviyada həbsxanada ölmüş Əli Məhəmməd əl-Faherin anımı ilə bağlı mərasimdə dilə gətirdiyini bildirib.
O deyib ki, ABŞ müsəlmanları qarayanız Barak Obama ilə aldadır, əslində amerikalılar yenə də qatildirlər və bütün dünyada müsəlmanların qanını tökməklə məşğuldurlar.
“Əl-Qaidə”nin ikinci adamı müsəlmanlara qarşı suç işlənməsi davam etdikcə intiqam alacaqlarını bəyanlayıb.