Avropa Məhkəməsi Rusiyanı cərimələdi

Avropa Məhkəməsi itkin düşmüş iki Çeçenistan sakini ilə bağlı Rusiyanı cərimələyib.
Lent.az-ın “qazeta.ru” saytına istinadən verdiyi məlumata görə, Rusiya hökumətinin itmiş Çeçenistan sakinlərinə görə onların valideynlərinə pul ödəməlidir.
Söhbət 2002-ci ildə Çeçenistanın Urusmartan şəhərində itkin düşmüş Əhməd Rezvanov və 2003-cü ildə Maxkitdə silahlı və maskalı şəxslər tərəfindən naməlum istinamətə aparılan, sonradan haqqında heç bir xəbər alına bilməyən Ramzan Babuşevdən gedir.
Avropa Məhkəməsinin çıxardığı qərara görə, Rusiya hökməti bu şəxslərin valideynlərinə dəymiş mənəvi zərərə görə 85 min avro, maddi zərərə görə 9,5 min avro, məhkəmə xərclərinə görə isə 6,5 min dollar ödəməlidir.