Uçdu göylərə, bizim birimiz...

Nyu-Yorkdakı Atair aviaşirkətinın hazırladığı uçuş aparatı bir insanın uşmasına imkan verib.

Lent.az-ın Türkiyə mediasına istinadən məlumatına görə, bundan əvvəl 2500 metr yüksəklikdə təyyarədən buraxılan 4 motorlu qanadlarla göy üzündə dolaşaraq rekord qıran və “jetman” adını alan isveçrəli pilot İves Rossi yeni nailiyyəti ilə yenidən tarixə düşüb.
Şirkətin hazırladığı aparatla 5 dəqiqə havada qalan jetman bu dəfə təyyarənin köməyindən istifadə etmədən havaya yüksəlib, göy üzünü gəzib.

Uçuşu təmin edən yanacağın saxlandığı çantası və qanadlarıyla birlikdə xüsusi paraşütü olan bu yeni sistemi sınayan jetman, bunun dünyada inqilaba səbəb olacağını iddia etdi.

İndi insanın uçmasına mane olan bir səbəb qalır: kürəkdə daşınan çantadakı yanacaq qısa müddət içərisində bitir. Yanacaq tutumunun böyüdülməsi isə ağırlıq problemi çıxarır.

Gələcəkdə yeni bir enerji qaynağı tapılacağı halda insanın təyyarəsiz, öz-özünə uçması mümkün olacaq.