Yuşşenko Britaniyanın ən varlı adamını işə götürdü

Lakşmi Mittal Ukrayna xarici investisiyalar Şurasına üzv oldu
Arcellor Mittal poladtökmə şirkətinin Direktorlar Şurasının sədri Lakşmi Mittal Ukraynanın Xarici İnvestisiyalar Şurasına üzv olub. Lent.az-ın Rusiya KİV-nə istinadən məlumatına görə, Ukrayna prezidenti Viktor Yuşşenko ba barədə müvafiq fərman verib.
Qeyd edək ki Lakşmi Mittal bu ilin aprelində Böyük Britaniyanın ən varlı sakini elan olunub.
Mittaldan başqa, Şuraya həmçinin, Siemens, Carlsberg, OTP Bank i British American Tobacco şirkətlərinin rəhbərləri və Raiffeisen International və Knauf-ın top-menecerləri daxil olub.
May ayının sonunda Yuşşenko “Microsoft” korporasiyasının sahibi Bill Qeytsin xarici investisiyalar üzrə Məsləhət Şurasının üzvlüyünd azad edilməsi barədə fərman vermişdi. Qeyts 2005-ci ildən Şuranın üzvü idi.
Lakşmi Mittal dünyanın ən iri metallurgiya şirkəti olan ArcelorMittal-ın ofisi Lüksemburqda yerləşir. 2009-cu ilin aprelində Mittalın sərvəti 10,8 milyard funt-sterlinq (təxminən 18 milyard dollar). ArcelorMittal Ukraynadakı “Krivorojstal” zavodunu alıb.