Sensasiya: MiQ-31 qırıcı təyyarəsi 3 manat 90 qəpiyə satılıb!

Hazırda təyyarələrin harada olduğu bilinmir
Rusiya Prokurorluğunun Nijeqorod vilayəti üzrə İstintaq İdarəsi əacib bir cinayət əməlinin üstünü açıb. Lent.az-ın Rusiya Prokurorluğunun saytına istinadən məlumatına görə, başlanmış cnayət işi səsdəniti MiQ-31 qırıcı təyyarələrinin qanunsuz satışı ilə bağlıdır.
Prokurorluq və Federal Təhlükəsizlik Xidmətinin (FTX) birgə apardığı yoxalamalardan sonra bəlli olub ki, “Rosrezerv”in Volqaboyu ərazi idarəsinin vəzifəli şəxsləri hərbi təyinatlı “Sokol” müəssisəsində saxlanan 4 ədəd mühərriksiz və sursatsız MiQ-31 qırıcısını satıblar. Qırıcıları hərbi texnika ticarətinə icazəsi olmayan “Metalsnab” firması alıb.
Satıcıların dəvət etdiyi qiymətləndirici firma qırıcıların hər birinə nə az, nə çox – 153 rubl (3 manat 90 qəpik!) qiymət qoyub (qırıcıların hər birinin rəsmi dəyəri 116 milyon rubldur). Bundan sonra hərrac keçirilərək 153 rubl start qiyməti elan olunub və qiymət artırılmadan qırıcılar “Metalsnab”a satılıb.
Nəticədə dövlətə 466 milyon rubl zərər dəyib. Hazırda qırıcı təyyarəələrin harada olduğu bilinmir.