Hakimiyyət Kərbəla vaqesinin Azərbaycan türkcəsində təbliğini yasaqlayıb

Şiələr məhərrəm ayında İmam Hüseynə təziyyə saxlayırlar. Güney Azərbaycanın Salmas şəhərinin əzadarları bu mərasimi Azərbaycan türkcəsində təbliğ etmək istəyib.

Lent.az-ın Güney Azərbaycanyönlü informasiya vasitələrinə istinadən məlumatına görə, təbliğat üçün salmaslılar Azərbaycan türkcəsində afişa və posterlər hazırlayıb. Şəhərin çeşidli yerlərinə vurmaq istəyib. Ancaq onların bu xeyirxah niyyətinə Salmas bələdiyyəsi əngəl törədib. Yerli hakimiyyət qurumları türkcə belə təbliğat vasitələrinin yayılmasını yasaqlayıb.

Əhli-beyt məddahlarından biri bildirib ki, bu barədə onlara rəsmi xəbərdarlıq məktubu göndərilib.

Onu da xatırladaq ki, bu mərasimin keçirilməsi ilə bağlı matəm heyətləri fəaliyyət göstərilir. Əvvəllər Azərbaycanın şəhərlərinin çoxunda təbliğat afişaları Azərbaycan türkcəsində yazılıb , yayılıb.

Yeri gəlmişkən bir məsələni də qeyd etmək istərdik. Məşhur Azərbaycan şair Raci Kərbəla vaqesinə həsr etdiyi mərsiyyələrinin çoxunu Azərbaycan türkcəsində yazıb.