Afina yenə ayaqüstədir

Afinanın mərkəzində, parlamentin binası qarşısına on minlərlə etirazçının toplandığına dair xəbərlər yayılıb.

Lent.az-ın «BBC»yə istinadən məlumatına görə, onlar xərclərin azaldılmasına və vergilərin artırılmasına etiraz edirlər.

Yunanıstan iqtisadiyyatını xilas etmək üçün deputatlar dövlət büdcəsinə 17 milyard dollar maliyyə vəsaiti əlavə etməldir.
Yeni qanun layihəsində bir sıra sosial təminatların azaldılması, o cümlədə təqaüd fonlarının ixtisarı, təqaüd yaşının iki il artırılması kimi məsələlər də nəzərdə tutulub.

Parlamentin binası qarşısında etirazçılarla polis arasında toqquşma baş verib. Nümayişçilər onların üzərinə yanan şüşə butılkalar atıb.

Etirazlara baxmayaraq parlament 2013-2016-cı illər üçün büdcə proqramını qəbul edib. Avropa Birliyi və Beynəlxalq Valyuta Fondunun növbəti maliyyə yardımı qarşılığında xərclərin 13,5 milyard dollar azaldılması təsdiqlənib.