İşgəncə altında etirafa əsasən hökm çıxarılıb

Əfsanə xanım Toqir «mövcud quruluşun əleyhinə təbliğat»da, Vəhid Həbibçeşme və Məhəmməd İskəndərzadə «mövcud sistemə qarşı təbliğat»la yanaşı, «ölkə təhlükəsizliyini pozmağa cəhd göstərmək»də və Vəhid Rastqu isə «sistemin əleyhinə təbliğ, ölkə təhlükəsizliyini pozmağa cəhd göstərmək və İran rəhbərini təhqir etməkdə» ittiham ediliblər.
Bu gənclərə qarşı irəli sürülən ittihamlara əsas kimi, onların “Susma” dərgisinin nəşrinə və “Susuz göl” veblaqının yaradılmasında iştirak etmələri göstərilib.
Vəkillərin məhkəmədə dediklərinə əsasən, gənclə onlara qarşı irəli sürülən ittihamların hamısını işgəncəyə məruz qaldıqları üçün etiraf ediblər. Ancaq məhkəmənin hakimi Həmlbər onların iddialarını təmin etməyib.