Misirlə İsrail yaraqlılara qarşı birgə mübarizə aparır

Lent.az-ın «Frans press»ə istinadən məlumatına görə, bu məqsədlə hər iki ölkənin təhlükəsizlik qüvvəlri birgə fəaliyyət göstərməkdədir.

İsrail təhlükəsizlik qüvvələrinin bildirdiyinə görə, Misir sərhədindən İsrailə keçən yaraqlıları öldürən əsgərlər terror hücumunun qarşısını alıb. İsrail ordusunun sözçüsü Avital Liboviç Sinay bölgəsindən keçən güclü silahlanmış və üzərinə partlayıcı maddələr quraşdırılmış üç nəfərin iki ölkə arasında sədd tikən işçiləri qoruyan hərbçiləri pusquya salaraq, onlara atəş açdıqlarını bildirib. Sözçü İsrail əsgərlərinin cavab atəşi açdığını və yaraqlılardan azı ikisini öldürüldüyünü deyib.

Frans Xəbər Agentliyi Har Hərif bölgəsində baş verən insident zamanı bir İsrail əsgərinin öldürüldüyünü bildirib.

Rəsmi Qahirə Təl-Əvivdən öldürülmüş yaraqlıların cəsədlərinini verilməsi ilə bağlı müraciət edib.