İlin hansı mövsümündə saçlar daha çox tökülür?

Saç tökülməsi geniş yayılmış bir problemdir və insanları ciddi narahat edə bilər. Bu prosesə təsir edən bir çox amil var və onların arasında mövsüm də xüsusi yer tutur.

Lent.az ən çox saçın töküldüyü mövsümü sizə təqdim edir:

Hər mövsümdə saç tökülməsi olurmu?
Saç tökülməsi xüsusilə qadınlar üçün daha ağrılı qarşılanır, çünki onların saçları adətən uzun olur və dəyişikliklər daha nəzərəçarpıcı olur. Lakin kişilər də bu problemdən əziyyət çəkir.

Bu vəziyyət təsadüfi deyil — bunun bioloji izahı var.
İnsan orqanizmi, ətraf mühitə uyğunlaşmaq üçün daim dəyişikliklərə məruz qalır və bu baxımdan biz heyvanlardan çox da fərqlənmirik.

Saçlar ən çox baharda tökülür!
Bahar fəslində saç tökülməsi tamamilə təbiidir və narahatlığa səbəb olmamalıdır. Bu, fəsil dəyişiklikləri nəticəsində baş verən saç dövrünün dəyişməsi ilə bağlıdır. Baharda saç follikulları daha çox telogen fazaya (istirahət və tökülmə mərhələsi) keçir. Bu, bədənin işıq, temperatur və digər ətraf mühit dəyişikliklərinə uyğunlaşmaq cəhdinin bir hissəsidir.

Baharda saç tökülməsinə təsir edən əlavə amillər
Hormon dəyişiklikləri:
Baharda günəş işığının intensivliyi artır və bu, melatonin hormonunun istehsalına təsir edə bilər. Melatonin isə saç dövrüsünü tənzimləyən hormonlardan biridir.

İqlim dəyişiklikləri:
Bahar həm də temperatur və rütubət dəyişikliyi gətirir, bədən buna uyğunlaşmağa çalışır və bu da saçların tökülməsini sürətləndirə bilər.

Diqqət:
Əgər saç tökülməsi uzun müddət davam edirsə və ya həddən artıq güclüdürsə, mütləq mütəxəssisə müraciət etmək lazımdır.