Heyrətamiz sevgi hekayəsi: Bir kişi və Siam əkizləri

İnsanları heyrətə gətirən sevgi hekayəsi gündəm olub.

Lent.az xarici mənbələrə istinadən xəbər verir ki, bir müəllim siam əkizləri ilə ailə həyatı qurub.

Bacılar Qərbi Benqalda anadan olublar. Hazırda Qanqa və Jumna Mondal bacılarının 45 yaşı var. Məktəbin 36 yaşlı müəllimi Casimuddin Əhməd ona aşiq olan siam əkiz bacıların duyğularına səmimi sevgi ilə cavab verib.

Bacıların doğuşdan hər birinin öz ürəyi və iki qolu, ancaq ikisinin yalnız üç ayağı var. Bu baxımdan Qanqa və Jumna həm qollarını, həm də ayaqlarını istifadə edərək hörümçək kimi hərəkət etməyə məcbur olurlar. Qızlar yeniyetmə olanda tibbi xidmətlər bahalı olduğu üçün maddi imkansızlıqları səbəbindən valideynləri onları tərk ediblər.

Bu səbəbdən bacılar təhsil ala bilməyiblər. Ona görə də qızlar belə hallarda ən çox yayılmış yolu - səyyar sirki seçiblər. Onlara tələbat böyük olub - ictimaiyyət həmişə əkizlərin birləşdiyini görmək fürsəti üçün yaxşı pul ödəyib. Bacıların şou proqramı çox sadə idi: qızlar tamaşaçılara necə hərəkət etdiklərini, dişlərini fırçaladıqlarını və digər kifayət qədər sadə şeyləri göstərirdilər.

Sirkdə çalışmaqları qızların həyatının dönüş nöqtəsi olub. Səs operatoru kimi yarımştat işə düzələn Casimuddinlə tanış olublar. Səs operatoru olan Casimuddin Əhməd ona aşiq olan siam əkiz bacıların duyğularına səmimi qarşılayıb.

Casimuddin sonra etiraf edib ki, əkizləri görən kimi onların ağrılarını sanki özününkü kimi hiss edib. Siam əkizlərinin sevgisinə qarşılıq verən Casimuddin onlarla ailə həyatı qurub.

İndi o, hər axşam terrasda onlarla oturur, həyat haqqında çoxlu söhbətlər edir və bir ailə kimi bütün çətinliklərin öhdəsindən gəlməyi öyrənirlər.