![[b]"Bu, Azərbaycan elmi üçün ayıbdır" - Musa Qasımlı Dissertasiya şuralarını TOPA TUTDU[/b]](https://lent.az/storage/news/2019/march/15/big/5231c5d8a49380103eec0d8aae07ada8.jpg)
“Tələbə xaricdə təhsil alıbsa, gəlib onu bir məmur imtahan etməməlidir. Təhsil Nazirliyi elektron qaydada müraciətlə bu məsələni həll edə bilər”.
ONA-nın məlumatına görə, bunu bu gün Milli Məclisin plenar iclasında AMEA-nın müxbir üzvü, deputat Musa Qasımlı bildirib.
M.Qasımlı deyib ki, xaricdə təhsil alanların diplomlarının tanınması məsələsi ilə bağlı çox söz-söhbət gəzir: “Ona görə də Təhsil Nazirliyi xaricdə təhsil alanı çağırmaqla yox, həmin xarici ölkəyə elektron qaydada sorğu göndərməklə həmin şəxsin sərhədi keçib-keçmədiyini, təhsil alıb-almadığını müəyyənləşdirə bilər”.
Musa Qasımlı Dissertasiya şuraları ilə bağlı məsələyə də toxunub: “İnstitutlarda, elmi müəssisələrdə Elmi və Müdafiə şuralarına güc-bəla ilə müdafiə edənləri gətirib həmsədr qoyurlar. Elm və Müdafiə Şuralarının həmsədrlərində dəyişiklik edilməlidir”.
Deputat deyib ki, heç bir məqaləsi çıxmayan şəxslər Elmi və Müdafiə şuralarında həmsədr kimi fəaliyyət göstərirlər: “Bu, Azərbaycan elmi üçün ayıbdır”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
