ABŞ-ın Nyu-York ştatında polis əməkdaşı həyat yoldaşını və oğlunu qətlə yetirib. Bundan sonra o, evə od vuraraq, intihar edib. APA-nın “RİA Novosti”yə istinadən verdiyi xəbərə görə, Koloni şəhərində yaşayan İzrael Roman adlı polis əməkdaşının evində faciə fevralın 11-nə keçən gecə baş verib. Ailənin böyük oğlu basketbol yarışında olduğundan sağ qalıb.
Məlumata görə, Roman 12 il polis orqanlarında xidmət edib. İnsidentin səbəbləri barədə hələlik məlumat verilmir.