Məktəbdəki tualet qalmaqalı   böyüyür: əsl səbəb nədir? - VİDEO
13 yanvar 2023 12:03 (UTC +04:00)

Məktəbdəki tualet qalmaqalı böyüyür: əsl səbəb nədir? - VİDEO

İmişli rayon Aranlı orta məktəbinin sanitar qovşağı problemini videoya çəkib paylaşmaqla ölkə gündəmini zəbt edən Leyla müəllimənin ağlayaraq danışdığı bu videodan sonra müəllimə ilə bağlı daha bir məlumat yayıldı.

Bildirildi ki, müəllimə keçmiş direktorun gəlinidir və hazırkı direktorla yola getməyərək vəzifə davası aparır.

Bu məlumatlardan sonra APA TV yenidən müzakirəsi səngiməyən məktəbə üz tutub.

Sosial şəbəkələrdə geniş müzakirə olunan məktəbdə gərginlik səngimək üzrədir. Ancaq müəllim ona olunan təzyiqlərdən narazıdır və problemin bu qədər böyüməsinə səbəb olanların cəzalanmasını istəyir.

Müəllim ilə direktor arasında yaranan söz-söhbətin səbəbinə gəlincə isə, tək səbəb məktəbdə şagirdlər üçün sanitar qovşağın tikilməsinə nail olmaqdır.

Hazırda məktəbdə yeni sanitar qovşağı tikilir. Yaxın bir həftə ərzində şagirdlərin istifadəsinə veriləcək. Müəllimin təzyiqlərlə bağlı iddiasına gəlincə isə...

Məktəb direktoru Anar Ələkbərov müəllimə ilə aralarında direktorluq savaşı ilə bağlı yayılan məlumatlara da münasibət bildirdi.

Məsələ ilə bağlı Elm və Təhsil nazirliyinin əməkdaşları məktəbdə monitorinq keçiriblər.

Aranlı məktəbi 1972-cı ildə istifadəyə verilib. 231 şagird üçün nəzərdə tutulan məktəb 477 şagird təhsil alır. Hazırda tədirs iki növbəli sistem əsasında keçirilir. 

# 5589
avatar

Oxşar yazılar