Uşaq oyuncaqları ilə bağlı CİDDİ XƏBƏRDARLIQ: təhlükəli kimyəvi maddələr var

Uşaq oyuncaqlarının 25 faizində təhlükəli kimyəvi maddələrə rast gəlinir.

Lent.az xarici mediaya istinadla bildirir ki, bu şok nəticəyə Danimarkadan BMT-də çalışan tədqiqatçılar gəliblər.

BMT-nin Xüsusi Ətraf Mühit Proqramı UNEP-in apardığı tədqiqat bütün uşaq oyuncaqlarının dörddə birində körpələr üçün zərərli kimyəvi maddələr, məsələn, plastikləşdiricilər, köpük, rəngləyici və stabilizatorlar yaratmaq üçün səthi aktiv maddələr və ətirlər olduğunu göstərib. Bu maddələrin hamısı, ümumiyyətlə, plastik məhsullara müəyyən dərəcədə rahatlıq və sərtlik yaratmaq üçün əlavə olunur.

İddiaya görə, bu kimyəvi maddələrin çoxu uşaqların sağlamlığına zərər verə bilər.

Bu, xüsusilə təhlükəlidir, çünki həyatın ilk illərində uşağın orqanizmi hələ zəifdir və xarici mənbələrdən mənfi təsirlərə asanlıqla məruz qalır. Sonradan, bu, ömrünün sonuna qədər insan sağlamlığına pis təsir edir.

Bu maddələr, ümumiyyətlə, ölümcül olmasa da, uşaqlara mənfi təsir göstərə bilər.

Tədqiqat müəllifləri tərəfindən analiz edilən 419 kimyəvi maddənin 126-sı uşaqların sağlamlığına mənfi təsir edə bilər.

Bu baxımdan, tədqiqat müəllifləri oyuncaq istehsalçılarını bu komponentlərindən istifadəsini tədricən imtina etməyə və daha etibarlı olanlarla əvəz etməyə çağırırlar.