Çinlilər bu elektrikli maşınla hər kəsi TƏƏCCÜBLƏNDİRDİ

Şanxayda, qatlanan damı olan yeni elektrikli bir avtomobilin təqdim olunduğu bir avtomobil sərgisi keçirilir.

Lent.az-ın xarici mediaya istinadla verdiyi xəbərə görə, Wuling HongGuang Mini EV elektrikli avtomobili Çində yalnız 200 gündür satılır və demək olar ki, 200 min maşın satılıb.

Kiçik elektrikli avtomobil həvəskarlar arasında çox populyarlaşdığından, istehsalçı bu elektrik kabrioletinin yenilənmiş bir versiyasını buraxmağa qərar verib. İndi avtomobil yumşaq qatlanan damla, eləcə də yeni faralar ilə təchiz edilib. Güzgülər və təkər diskləri də yenilənib.

Elektrikli avtomobilin salonu da dəyişdirilib. İndi iki məlumat giriş və çıxış ekranı və oturacaqlarda yüksək baş dayaqları var.

Avtomobilin elektrik mühərriki yalnız 20 at gücündədir və bir yükləmədən sonra 120 kilometr sürə bilərsiniz. Maksimum sürət saatda 100 kilometrdir.

Xüsusiyyətlər, digər elektrikli nəqliyyat vasitələri ilə müqayisədə, həqiqətən yüksək deyil, lakin bu elektrikli avtomobilin qiyməti 4500 dollardan az olacaq.

Wuling HongGuang Mini EV elektrikli avtomobili SAIC-GM-Wuling Automobile zavodunda buraxılacaq. SAIC-in payı burada 51 faizdir, ABŞ-ın General Motors 44 faiz, Wuling 5 faiz paya sahibdir.