Güclü külək əsəcək, bəzi yerlərdə yağış yağacaq - PROQNOZ

Sabah hava dəyişkən buludlu olacaq, rayonlarda isə qısamüddətli yağış yağacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumatına görə, Avqustun 2-də Bakıda və Abşeron yarımadasında hava şəraitinin dəyişkən buludlu olacaq. Havanın əsasən yağmursuz keçəcəyi gözlənilir. Şimal-qərb küləyi arabir güclənəcək.

Havanın temperaturunun Abşeron yarımadasında gecə 25-27, gündüz 29-34, Bakıda gecə 25-27, gündüz 31-33 dərəcə isti olacağı gözlənilir.

Atmosfer təzyiqi normadan aşağı 755 mm civə sütunu, nisbi rütubət gecə 60-70, gündüz 35-40 faiz təşkil edəcək.

Sabah şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) dəniz suyunun temperaturu 26-27, cənub çimərliklərində (Türkan, Hövsan, Sahil, Şıx) isə 27-28 dərəcə isti olacaq.

Şimal-qərb küləyi əsəcək, arabir güclənəcək. Qurum bununla əlaqədar çimərliklərə üz tutanları ehtiyatlı olmağa çağırır.

Avqustun 2-də Azərbaycanın rayonlarında hava şəraitinin əsasən yağmursuz keçəcəyi vurğulanır. Lakin gecə və axşam bəzi şimal və qərb rayonlarında şimşək çaxacaq. Qısamüddətli yağış yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 20-25, gündüz 33-38, dağlarda gecə 13-18, gündüz 22-27 dərəcə isti olacağı proqnozlaşdırılır.

Avqustun 2-i və 3-də Abşeron yarımadasında arabir güclənən mülayim xəzri küləyinin üstünlüyü meteohəssas insanlar üçün müsbət amildir.

Eyni zamanda, sabah gündüzdən avqustun 04-dək Bakıda və Abşeron yarımadasında şimal-qərb küləyinin güclənəcəyi gözlənilir.