Qaydalarda dəyişikliklər edildi

Attestasiya imtahanlarının müvəqqəti qaydalarında dəyişikliklər edilib. Bu barədə Lent.az-a TQDK-nın mətbuat xidmətindən məlumat verilib. TQDK tərəfindən Komissiyanın 2012-ci il 10 may tarixli qərarı ilə təsdiq edilmiş “Ümumi təhsili həyata keçirən təhsil müəssisələrində ümumtəhsil fənləri üzrə təhsil alanların biliyinin yekun qiymətləndirilməsinin (attestasiyasının) həyata keçirilməsinin müvəqqəti qaydaları”nda dəyişikliklər olunub. Qərar Azərbaycan Respublikasının Hüquqi Aktların Dövlət Reyestrinə daxil edilib.

Qərara əsasən, “Ümumi təhsili həyata keçirən təhsil müəssisələrində ümumtəhsil fənləri üzrə təhsil alanların biliyinin yekun qiymətləndirilməsinin (attestasiyasının) həyata keçirilməsinin müvəqqəti qaydaları”nda 1.7, 3.1, 3.2, 3.3, 3.4, 3.5, 4.1, 4.2, 4.3, 4.4, 4.6, 4.7-ci bəndlərində “qeyri-kafi” sözü “2” sözü ilə əvəz edilib.

2.5.-ci bənddə verilmiş cədvəl aşağıdakı cədvələ dəyişdirilib:

Təhsilin səviyyəsi	Qiymət	Fənlər üzrə düzgün cavabların sayı
		Ana dili (Azərbaycan bölməsi)	Ana dili (rus bölməsi)	Riyaziyyat
Tam orta	2	0-7	0-7	0-7
	3	8-17	8-17	8-16
	4	18-25	18-25	17-24
	5	26-30	26-30	25-30
Ümumi orta	2	0-7	0-7	0-7
	3	8-16	8-16	8-16
	4	17-23	17-23	17-22
	5	24-30	24-30	23-30

Dəyişikliyə əsasən, qaydaların 3.1, 3.2, 3.4 və 3.5-ci bəndlərində “tam orta təhsil səviyyəsini” sözləri “ümumi orta və tam orta təhsil səviyyələrini” sözləri ilə əvəz edilib.

Qaydalardan 3.6-cı bənd çıxarılıb.