Nəsimi Nəbizadə ilə "Ana xəbər" bloku – 26 Noyabr

Təbiət qanunları cəmiyyət qanunlarından çox fərqlənir. Təbiət yazılmamış qanunlarla idarə olunur və təbiətin hər fərdi bu qanunlara sözsüz riayət edir. Cəmiyyət isə fərqlidir, insanlar öz mentalitetlərinə, tələbatlarına və istəklərinə uyğun qanunlar yazır və bu qanunlarla könüllü idarə olunmaq öhdəliyi götürürlər. “Bu qanunlardan hansı daha üstün və daha mükəmməldir” sualı əsrlərdir filosofların əsas müzakirə mövzusudur. Hər kəsin bu məsələyə fərdi yanaşması ola bilər, amma çox zaman təbiət qanunları öz mükəmməlliyi ilə cəmiyyət qanunlarından üstün olduğunu isbatlayır. Məsələn, təbiətdə ən zəif heyvan belə övladına təhlükə yaranan balasını qorumaq üçün özündən qat-qat güclü və qat-qat çox heyvanlarla döyüşə girir. Və təbiətdə heç bir heyvan balasını dünyaya gətirdikdən sonra atıb getmir. Bu mənada heyvanlar bəzi insanlardan qat-qat üstündür. Burada insan kəlməsini dırnaq arasında işlədirəm, çünki təzə doğulmuş körpəsini zibilliyə atan varlığa heyvan demək övladı uğrunda ölümü gözünə alaraq özündən güclü ilə döyüşə girən heyvanları təhqir etmək olardı.