AMEA Rəyasət Heyətinin bu gün keçirilən iclasında bir sıra kadr təyinatları olub. Lent.az-ın məlumatına görə, kimya üzrə fəlsəfə doktoru Məlik Dəmirov AMEA-nın Təcrübə-Sənaye Zavodunun baş mühəndisi vəzifəsinə təyin olunub. Bundan əlavə, kimya üzrə elmlər doktoru Mirzə Mövsümzadə AMEA-nın akademik Ə.Quliyev adına Aşqarlar Kimyası İnstitutunun elmi işlər üzrə direktor müavini, kimya üzrə fəlsəfə doktoru Mehparə Səfərova həmin institutun elmi katibi, AMEA-nın müxbir üzvü Pənah Muradov AMEA-nın Mikrobiologiya İnstitutunun elmi işlər üzrə direktor müavini, biologiya üzrə fəlsəfə doktoru Fəridə Qəhrəmanova AMEA-nın Mikrobiologiya İnstitutunun elmi katibi vəzifəsinə təyinat alıb.
Tarix üzrə elmlər doktoru, millət vəkili Musa Qasımlıya da AMEA-da vəzifə verilib. O, Dünya Siyasəti İnstitutunun direktoru vəzifəsinə təyin olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
