Hindistan səfiri Ali Neft Məktəbində olub
23 oktyabr 2013 11:57 (UTC +04:00)

Hindistan səfiri Ali Neft Məktəbində olub

Hindistanın Azərbaycandakı fövqəladə və səlahiyyətli səfiri Vinod Kumar  və birinci katib T. R Mina Bakı Ali Neft Məktəbində olublar. Bu barədə Lent.az-a ali məktəbin ictimaiyyətlə əlaqələr şöbəsindən məlumat verilib.

Qonaqları Bakı Ali Neft Məktəbində görməsindən məmnunluq hissi keçirdiyini ifadə edən Ali Məktəbin rektoru  Elmar Qasımov Azərbaycanda  dövlət  başçısı İlham Əliyev  tərəfindən aparılan uğurlu neft  strategiyasından bəhs edərək bildirib ki, Azərbaycan dünyada  ilk neft  çıxaran ölkədir. Bu gün də neft-qaz və kimya  sənayesi ölkə iqtisadiyyatının inkişafında  əsas rol oynayır. ARDNŞ–nin  Azərbaycanda  və xarici ölkələrdə  həyata keçirdiyi  beynəlxalq layihələrdən söz açan E. Qasımov bildirib ki, ARDNŞ-nin strukturunda  fəaliyyət göstərən ali məktəbin  əsas məqsədi ARDNŞ-də işləyə biləcək müasir standartlara cavab verən kadrların  hazırlanmasıdır. 

Bakı Ali Neft  Məktəbinə  dəvət edildiyi üçün  minnətdarlığını bildirən Hindistan Respublikasının Azərbaycan Respublikasındakı fövqəladə və səlahiyyətli səfiri Azərbaycan və Hindistan arasındakı tarixi əlaqələrdən bəhs edərək bildirib ki, bu gün də Azərbaycan və Hindistan dövlətləri arasında  ticari, iqtisadi, elmi və texnoloji sahələrdə əməkdaşlıq durmadan inkişaf etməkdədir. Görüşdən sonra qonaqlar Bakı Ali Neft  Məktəbində tədris prosesi ilə yaxından tanış olub və tələbələrlə fikir mübadiləsi aparıblar.

# 686

Oxşar yazılar