Gələn ilin səhiyyə xərcləri açıqlandı

Azərbaycanda 2015-ci ildə səhiyyə xərclərinə 777,7 milyon manat ayrılacaq. Lent.az-ın xəbərinə görə, bu barədə Maliyyə Nazirliyi məlumat yayıb. 2015-ci ildə səhiyyənin maliyyələşdirilməsi üçün nəzərdə tutulan xərclərin dövlət büdcəsi xərclərinin tərkibində xüsusi çəkisi 2014-cü illə müqayisədə 0,1 faiz-bənd artaraq 3,7 olacaq.

2014-cü illə müqayisədə səhiyyəyə 52,1 milyon manat və yaxud 7,2 faiz, 2013-cü ilin faktiki icra göstəricisinə nisbətən 158,7 milyon manat və ya 25,6 faiz çox vəsait ayrılıb.