Bakı məktəblərində yeni əməkhaqqı sistemi tətbiq ediləcək

Təhsil Nazirliyi paytaxt Bakının orta məktəblərində çalışan müəllimlər üçün differensial əmək haqqı sisteminin tətbiqi ilə bağlı Nazirlər Kabinetinə təklif verəcək. Lent.az-ın məlumatına görə, təhsil naziri Mikayıl Cabbarov bəzi təhsil işçilərinin mükafatlandırılması məqsədilə keçirilən tədbirdə bildirib ki, paytaxtın bütün orta məktəb müəllimləri sınaq qiymətləndirmədə iştirak edib: “Növbəti həftələr ərzində yeni təklif Nazirlər Kabinetinə təqdim ediləcək. Bu məsələyə Təhsil Nazirliyinin mütəxəssislərindən əlavə, Maliyyə Nazirliyinin mütəxəssisləri çox böyük töhfə verib. Hazırda son hazırlıq işləri aparılır”.