Uşaqlar arasında  TÜĞYAN   edən virusun adı nədir? - HƏKİM AÇIQLADI
18 mart 2024 11:03 (UTC +04:00)

Uşaqlar arasında TÜĞYAN edən virusun adı nədir? - HƏKİM AÇIQLADI

Hava şəraitinin mülayim keçməsinə baxmayaraq, son zamanlarda uşaqlar arasında yeni virus yayılıb. Bu virus özünü yüksək hərarət, səpkilərlə biruzə verir.

Maraqlıdır, görəsən, uşaqlar arasında yayılan bu viruslar hansılardır?

Məsələ ilə bağlı pediatr Elşən Tağıyev Lent.az-a açıqlamasında bildirib ki, hazırda uşaqlar arasında yayılan xəstəlik “streptokokk” infeksiyasıdır.

Onun sözlərinə görə, həmçinin qızılca, donuz qripi kimi tanıdığımız “influenza” virusları da yayılıb:

“Bütün bu xəstəliklər özünü yüksək hərarətlə biruzə verir. Bundan əlavə yazın gəlişi ilə “rotavirus” xəstəliyinin də mövsümi başlayır. Adətən yaz-payız aylarında göy öskürəklə bağlı da müraciətlərin sayı çoxalır. Həmçinin “streptokokk A” bakteriyasının törədicisi “skarlatina” xəstəliyi də yayılıb. “Streptokokk A” bakteriyasının müalicə olunmasa, gələcəkdə uşaqlarda revmatizmə, böyrəklərdə ağırlaşmaya səbəb olur. Uşaq “skarlatina” xəstəliyinə yoluxduqda yüksək temperatur, bədəndə səpkilər və boğazda qızartı müşahidə olunur. “Streptokokk A” bakteriyasının digər törədicisi “tanzilit” xəstəliyinə olduqda isə yalnız boğazda qızartılar müşahidə olunur”.

# 5118
avatar

Arzu Qurbanlı

Oxşar yazılar