Qlobal istiləşmə nəticəsində ölənlərin sayı AÇIQLANDI

1991-2018-ci illər arasında istiliklə əlaqəli ölümlərin üçdə birindən çoxu qlobal hava istiliyinin artması səbəbindən baş verib.

Lent.az-ın xarici mediaya istinadla verdiyixəbərə görə, ABŞ, İngiltərə və İsveçrə alimlərinin hazırladığı bir modelə görə antropogen iqlim dəyişikliyi olmayan dünyada daha az insan ölüb.

Mütəxəssislər, 43 ölkənin 732 yaşayış məntəqəsində yaşayan insanların ölümü ilə bağlı məlumatları təhlil ediblər.

Tədqiqatçılar əvvəlcə sağlamlıqla əlaqəli ölümlərin ümumi sayını və bu parametrdəki əlaqəli dalğalanmaları isti mövsümdə orta gündəlik temperaturla hesablayılar. Ümumilikdə, təhlillər 1991-2015-ci illərdə baş verən təxminən 30 milyon ölümü əhatə edib. Ölkələr, iqlim baxımından çox fərqlənib: ən isti fəslin orta temperaturu 15 ilə 25 dərəcə Selsi arasında dəyişib.

Tədqiqatın ikinci mərhələsində elm adamları iki ssenari üçün istilik səbəbiylə ölümün yükünü hesablayıblar. Birincisi, dünyadakı həqiqi iqlim vəziyyəti ilə xarakterizə olunur, ikincisi isə insan təsiri olmadan iqlim modelinə əsaslanır.

Sorğunun keçirildiyi bütün ölkələrdə isti aylarda istidən qaynaqlanan bütün ölümlərin 20,5-76,3 faizi (orta hesabla 37 faiz) qlobal istiləşmə hesabına aid edilə bilər

Cənubi Avropa, Mərkəzi və Cənubi Amerika və Cənub-Şərqi Asiya kimi bəzi bölgələrdə istilərdən ölmə riski xüsusilə yüksəkdir və ölümlər ildə bir neçə yüz hadisəyə çatır. Ekvador və Kolumbiyada istiliklə əlaqəli ölümlərin dörddə üçünə qədər hissəsi antropogen tullantıların qlobal istiləşməsindən qaynaqlanır.