Hava limanında sərnişinlərin ən əsəbiləşdirici HƏRƏKƏTLƏRİ

Hava limanında ən çox əsəbləşdirən şey, təyyarəyə ilk minib yer tutmaq üçün növbə tutan insanlardır. Bu barədə TikTok-da nicoletravelandlife təxəllüsü ilə səyahət edən bir qadın danışıb.

Lent.az xəbər verir ki, səyahətçinin sözlərinə görə, hava limanında iki növ insan var: biri sonuncu dəqiqəyə qədər gözləyib təyyarəyə minmək istəyənlər, digəri isə hələ boarding başlamadan əvvəl böyük növbə düzənlərdir. İkinci qrup, səyahətçinin fikrincə, ən əsəbləşdirici olanıdır.

Onun postuna şərh yazan bəzi istifadəçilər də əlavə ediblər ki, onları daha çox əsəbləşdirən şey, növbəyə keçmək üçün önə doğru sıxılmağa çalışan sərnişinlərdir. Hava limanında insanların ən çox əsəbləşdiyi digər bir məqam isə, yoxlamadan keçməyə hazırlaşmayan sərnişinlərdir və bu, növbənin uzanmasına səbəb olur.

Bundan əlavə, bəzi sərnişinlər əllə daşınan yüklərin saxlanması qaydalarını da nəzərə almır ki, bu da başqalarına narahatlıq yaradır.

Səyahətçi sərnişinlərə əşyalarını yoxlamağa əvvəlcədən hazırlamağı, sakit olmağı və diqqətli olmağı tövsiyə edib ki, digər sərnişinlər təyyarəyə minərkən narahatlıq hiss etməsinlər.