Bu ölkədə bütün insanların  eyni soyadı   olacaq
07 aprel 2024 12:14 (UTC +04:00)

Bu ölkədə bütün insanların eyni soyadı olacaq

2531-ci ilə qədər Yaponiyada hər kəs Sato soyadına sahib olacaq. 

Lent.az xarici KİV-ə istinadən bildirir ki, bu barədə Yaponiyanın “Mainichi” qəzeti Senday şəhərindəki Tohoku Universitetinin iqtisadiyyat professoru Hiroşi Yoşidanın apardığı araşdırmaya istinadən məlumat yayıb.

Alim qeyd edib ki, əgər ölkə hakimiyyəti hələ 1896-cı ildə qəbul edilmiş mülki məcəllədə dəyişiklik etməsə, bu baş verəcək. Sənədə görə, nikahdan sonra ər və arvad eyni soyadda olmalıdırlar.

Yosida Myoji-yurai.net ad və soyadların elektron reyestrini təhlil edib, bu da digər şeylərlə yanaşı, yayılma sırası ilə soyadların sıralamasını təqdim edir. Bu gün Yaponiyada Sato soyadı ən çox yayılıb, ondan sonra Sudzuki soyadı gəlir.

2023-cü ilə olan məlumata görə, onun sahibləri əhalinin 1,529 faizini təşkil edir (2018-ci ildə “Meydzi Yasuda” sığorta şirkətinin məlumatına görə, bu pay 1,53 faiz təşkil edib). Alim bu payı və təxmini artım templəri haqqında məlumatları götürərək müəyyən edib ki, mövcud mülki qanunvericiliyə əsasən, Sato soyadlı Yaponiya əhalisinin payı 2022-ci ildən 2023-cü ilə qədər 1,0083 dəfə artıb.

Professorun hesablamalarına görə, 2446-cı ilə qədər ölkə sakinlərinin yarıdan çoxu bu soyadı, 2531-də isə bütün Yaponiya vətəndaşları daşıyacaq.

Mütəxəssis aydınlaşdırıb ki, onun proqnozları bir neçə fərziyyəyə əsaslanır, lakin ümumilikdə doğrudur. "Hər kəs Sato olarsa, o zaman ad və ya nömrə ilə müraciət etməli ola bilərik", - deyib.

2017-ci ildə baş nazirlik aparatı sorğu keçirib ki, vətəndaşların 43 faizi bu sahədə qanunvericilikdə dəyişiklik edilməsini istəyir. Elə həmin il Yaponiya hökuməti evli qadınlara istəsələr, pasportlarına qız soyadlarını yazmağa icazə verib.

2020-ci ildə başqa bir rəy sorğusunun nəticələri göstərib ki, 70 faiz artıq ər-arvadın eyni soyad daşıma öhdəliyinin ləğvinin tərəfdarıdır. Bununla belə, 2021-ci ilin iyununda Yaponiya Ali Məhkəməsi ər-arvadın fərqli soyadlara malik olmasına dair qadağanı konstitusiya qadağası kimi qəbul edib.

2022-ci ilin dekabrında “Human Rights Watch” təşkilatı açıq şəkildə Yaponiyada evli qadınlara soyadlarını saxlamağa icazə verməyə çağırıb. Təşkilatın nümayəndəsi Teppey Kassai ailə hisslərinin soyadla müəyyən edilmədiyini bildirib.
 

# 3780
avatar

Oxşar yazılar

II və III qruplara imtahan keçirilir

II və III qruplara imtahan keçirilir

26 may 2024 , 06:47
Küləkli hava nə vaxtadək  davam edəcək?

Küləkli hava nə vaxtadək davam edəcək?

25 may 2024 , 18:17
Sabah Bakıda şimşək çaxacaq,  yağış yağacaq - PROQNOZ

Sabah Bakıda şimşək çaxacaq, yağış yağacaq - PROQNOZ

25 may 2024 , 12:59
Maşını saxlayın, şüşələri qaldırıb gözləyin - Hava XƏBƏRDARLIĞI

Maşını saxlayın, şüşələri qaldırıb gözləyin - Hava XƏBƏRDARLIĞI

25 may 2024 , 11:51
Şimşək çaxıb, yağış yağıb - FAKTİKİ HAVA

Şimşək çaxıb, yağış yağıb - FAKTİKİ HAVA

25 may 2024 , 09:56
Hərbi Hospitalın keçmiş rəisi VƏFAT ETDİ

Hərbi Hospitalın keçmiş rəisi VƏFAT ETDİ

24 may 2024 , 17:12
 Leysan, dolu, qar    - HAVA XƏBƏRDARLIĞI

Leysan, dolu, qar - HAVA XƏBƏRDARLIĞI

24 may 2024 , 16:45
General zorakılığa məruz qalan uşaqlardan  DANIŞDI

General zorakılığa məruz qalan uşaqlardan DANIŞDI

24 may 2024 , 16:05