5 300 sakini olan kəndin körpüsü yarasız vəziyyətdədir -FOTO
02 dekabr 2022 08:22 (UTC +04:00)

5 300 sakini olan kəndin körpüsü yarasız vəziyyətdədir -FOTO

Astara rayonunun Şiyəkəran kəndində, Pensərçay üzərində tikilən körpü qəzalı vəziyyətə düşüb.

Lent.az APA-ya istinadla xəbər verir ki, körpünün qəzalı vəziyyətə düşməsinə səbəb, son 3 gündə rayona yağan leysan xarakterli yağışlar olub. 

Sel suları nəticəsində çayda suyun səviyyəsi 3 metrədək qalxıb. Körpü aşağıya doğru çöküb. Orta dirəkləri olmadığı üçün dəmir hissələr torpağa söykənib. Kənd sakinlərin sözlərinə görə, hazırda körpünün metal hissələri korroziyaya uğrayıb, dayaqları da yoxdur. 30 metr uzunluğu körpünü yalnız onun öz konstrusiyası saxlayır. 

Kənd sakinlərinin 70%, eləcə də şagirdlərin çoxu bu körpüdən istifadə edərək məktəbə gedirlər. Körpü üzərindən keçən maşınların təkərləri partlamasın deyə körpünün üzərində olan dəmir çıxıntıları köhnə paltar, karton və çınqılla örtüblər. Kəndin əkin sahələri də qarşı tərəfdə olduğu üçün ağır tonajlı maşınlar məcbur burdan istifadə edirlər. Amma körpüdən 7 tonluq maşınlara məhdudiyyət qoyulduğundan, sakinlər becərdikləri məhsulu bazara çıxarıb sata bilmirlər. Hazırda kiçik maşınların keçməsi belə təhlükəlidir.
Kəndin ərazi dairəsi üzrə nümayəndəsi Elşad Məcidov APA-nın cənub bürosuna bildirib ki, körpü 5300 nəfər əhalisi olan Şiyəkəran kəndini iki yerə bölən Pensərçayın üzərində 1993-cü ildə sovxoz dövründə tikilib. Bir müddətdən sonra sel suları körpünün dayaqlarını yuyub aparıb. Körpü üzərində bir neçə dəfə cari təmir işləri aparılsa da, yenidən qəzalı vəziyyətə düşüb. Qəzalı körpü barədə bu ilin avqust ayından aidiyyatı instansiyalara müraciət olunub. Aidiyyatı orqanlardan komissiyalar gəlib baxıb, aktlar tərtib olunub. Qərara alınıb ki, burada yeni körpü tikilsin.

Şiyəkəran kənd inzibati ərazi dairəsi üzrə nümayəndəsi Elşad Məcidov: “Yeni körpü 33 metr uzunluqda, dəmir-beton konstruksiyalı olacaq. Körpü iki hissədən ibarət olmaqla, 8 metr enində olacaqdır. Əhali arasında maarifləndirici işlər də aparırıq. Burda qonşuluqda, dəmir körpünün yaxınlığında yaşayan sakinlərə tapşırmışıq ki, kəndin mağazalarına yeyinti məhsulları gətirən, eləcə də burdan sitrus meyvələri aparan  iri tonajlı maşınların sürücülərinə, tapşırıq versinlər ki, burdan keçməsinlər. Rayon polis şöbəsinə müraciətdən sonra gəlib məhdudlaşdırıcı yol nişanları qoyublar”.

Qeyd edək ki, yeni körpünün tikilişi, qarşıdan gələn 2023-cü ilin yanvar ayında nəzərdə tutulub.

# 1152
avatar

Oxşar yazılar

FHN-in  növbəti yardımı   Türkiyəyə yola salınacaq - FOTO

FHN-in növbəti yardımı Türkiyəyə yola salınacaq - FOTO

6 fevral 2023 , 21:15
Zəlzələdən xilas olan qocalar evi sakinlərinin ÜRƏK DAĞLAYAN  görüntüləri - VİDEO

Zəlzələdən xilas olan qocalar evi sakinlərinin ÜRƏK DAĞLAYAN görüntüləri - VİDEO

6 fevral 2023 , 17:42
Gənc qız lotoreyada  36 milyon dollar   uddu

Gənc qız lotoreyada 36 milyon dollar uddu

6 fevral 2023 , 17:31
 Buraxılış imtahanlarının   şəhər və rayonlar üzrə keçirilmə QRAFİKİ

Buraxılış imtahanlarının şəhər və rayonlar üzrə keçirilmə QRAFİKİ

6 fevral 2023 , 16:41
Türkiyəyə yola düşən FHN əməkdaşlarından ibarət bir qrup Adanaya çatıb

Türkiyəyə yola düşən FHN əməkdaşlarından ibarət bir qrup Adanaya çatıb

6 fevral 2023 , 16:21
Azərbaycandan 400 xilasedici Türkiyəyə KÖMƏYƏ GETDİ  -YENİLƏNİB

Azərbaycandan 400 xilasedici Türkiyəyə KÖMƏYƏ GETDİ -YENİLƏNİB

6 fevral 2023 , 14:05
Tikinti şirkətlərinə zəlzələ XƏBƏRDARLIĞI

Tikinti şirkətlərinə zəlzələ XƏBƏRDARLIĞI

6 fevral 2023 , 13:52
Yaxın günlərdə Azərbaycanda güclü zəlzələ olması ehtimalı var? - RƏSMİ CAVAB

Yaxın günlərdə Azərbaycanda güclü zəlzələ olması ehtimalı var? - RƏSMİ CAVAB

6 fevral 2023 , 13:23